ⵙⵍⴰ, 8 ⵉⴱⵔⵉⵔ 2025 – ⵜⵙⴼⴰⵡ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⴰⵙⵙ ⴰ ⵅⴼ ⵢⴰⵏ ⵡⵓⵟⵟⵓⵏ ⴰⵎⵏⵓⵙ ⵉⵎⵎⴰⵍⵏ ⵎⴰⵙ ⴷ ⴰⵖⴰⵎⵓⵙ ⵏ ⵜⵏⵖⵎⴰⵙⵜ ⵉ ⵓⵎⵎⵓⵄⴹⵕ ⴷ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⵓⵔ ⵜⵓⵡⴹ ⵖⴰⵙ 1,2٪ ⵙⴳ ⵜⴰⴳⴰⵔⵜ ⵏ ⵉⵎⴳⵔⴰⴷⵏ ⴷ ⵜⵎⵜⵜⴰⵡⵉⵏ ⵜⵉⵏⵖⵎⴰⵙⵉⵏ ⵉⵜⵜⵓⴹⴼⵕⵏ ⵉⵥⵍⵉⵏ ⵙ ⵢⵉⵏⴰⵡ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵍⵎⵖⵔⵉⴱ.

ⵙⴳ ⵓⵙⴳⴳⵯⴰⵙ ⵏ 2013, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵔ ⵉⵣⵔⵉ ⵡⵓⵟⵟⵓⵏ ⵏ ⵉⵎⴳⵔⴰⴷⵏ ⴷ ⵜⵎⵜⵜⴰⵡⵉⵏ ⵜⵉⵏⵖⵎⴰⵙⵉⵏ ⴷ ⵜⵙⵏⵖⵎⴰⵙⵉⵏ ⵉⵜⵜⵓⴹⴼⵕⵏ ⴳ ⵓⵎⵏⴰⴹ ⴰⴷ 3000 ⵏ ⵓⵎⴳⵔⴰⴷ ⵙⴳ ⵓⴳⴳⴰⵔ ⵏ 234 ⵏ ⵉⴼⴹ ⵏ ⵜⵎⵜⵜⴰ ⵜⴰⵏⵖⵎⴰⵙⵜ, ⵙ ⵎⴰⴷ ⵢⴰⵥⵏ ⵉ 250 ⵏ ⵓⵎⴳⵔⴰⴷ ⴷ ⵜⵎⵜⵜⴰ ⵅⴼ ⵓⵎⵎⵓⵄⴹⵕ ⴷ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴳ ⵓⵙⴳⴳⵯⴰⵙ.

ⴰⵟⵟⵓⵏ ⴰⴷ, ⵏⵏⴰ ⵜⵙⵏⵓⵎⵎⵍ ⵜⵎⵙⵜⴳⴳⴰⵔⵜ ⵜⴰⵣⵔⴼⴰⵏⵜ ⵙ "ⴰⵎⵏⴰⴽⴰⴱ", ⵍⴰ ⵉⵎⵎⴰⵍ ⵜⴰⵡⵉⵜ ⵜⴰⵏⵖⵎⴰⵙⵜ ⴷ ⵜⵙⵏⵖⵎⴰⵙⵜ ⵜⴰⵎⴷⵔⵓⵙⵜ ⴳ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵎⵇⵇⴰⵔ ⵍⵍⴰⵏⵜ ⵜⵎⵙⴰⵔⵉⵏ ⴰⴷ ⴳ ⵜⵓⵥⵥⵓⵎⵜ ⵏ ⵓⵎⴹⴰⴽⴰⵕ ⵉⵣⴷⵉⵏ ⵙ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵓⵎⵏⴰⴹ ⵏⵏⵖ ⴰⵏⴰⵎⵓⵔ.

ⴳ ⵓⵙⵎⵏⵉⴷ ⵏ ⵜⴳⵓⵔⵉ ⵏ ⵓⵕⵥⵥⵓⵎ ⵏ ⵓⵙⴳⵔⴰⵡ ⴰⵏⴰⵎⵓⵔ ⵡⵉⵙⵙ 16 ⵏ ⵓⵎⵎⵓⵄⴹⵕ, ⵉⵙⵏⵎⴰⵍⴰ ⵡⴰⵎⵎⴰⵙ ⴰⵏⴰⵎⵓⵔ ⵎⵓⵃⵎⵎⴰⴷ ⵡⵉⵙ ⵚⴹⵉⵚ ⵏ ⵉⵎⵄⴹⵓⵕⵏ, ⵙ ⵜⴷⵔⴰⵡⵜ ⴷ ⵓⵙⵇⵇⵉⵎ, ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ ⵎⴰⵙ ⴰⵙⵜⴰⵢ ⵏ "ⵜⵏⵖⵎⴰⵙⵜ ⴷ ⵓⵎⵎⵎⵓⵄⴹⵕ" ⴰⵎ ⴰⵙⵏⵜⵍ ⵉ ⵜⵙⵓⵜⵍⵜ ⵜⵉⵙ 16 ⵏ ⵓⵙⴳⵔⴰⵡ ⵉⴼⴼⵖ ⴷ ⵙⴳ "ⵜⴼⵍⵙⵜ ⵉⴷⵓⵙⵏ ⵖⵓⵔⵏⵖ ⵎⴰⵙ ⵜⴰⵏⵖⵎⴰⵙⵜ, ⵙ ⵓⵏⴰⵎⴽ ⵏⵏⵙ ⴰⵎⵉⵔⵉⵡ, ⵜⵣⵎⵔ ⴰⴷ ⵜⴳ ⴱⵍⴰ ⵜⵓⵔⴷⴰ ⵉⵎⵉⵙ ⴰⴷⵙⵍⴰⵏ ⵙⴳ ⵉⵎⴰⵙⵙⵏ ⵏ ⵓⵙⴷⵓⵙ ⵏ ⵜⵉⵏⴷⵉⵜⵉⵏ ⵏ ⵢⵉⵙⴽⵉⵍ ⴷ ⵡⴰⴷⴷⵓⵔ ⴷ ⵓⵙⵏⴼⵍ ⵏ ⵜⵡⵍⴰⴼⵉⵏ ⵜⵉⵎⴷⵢⴰⵜⴰⵏⵉⵏ, ⴷ ⵓⵙⴷⵓⵙ ⵏ ⵜⴷⵔⴰⵡⵜ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ ⴳ ⵢⵉⴳⵔⴰⵏ ⵉⵎⵢⴰⵏⴰⵡⵏ ⵏ ⵜⵓⴷⵔⵜ".

ⴳ ⵉⴳⴳⵉ ⵏ ⵓⵙⵎⵏⵉⴷ ⵏ ⵜⵏⵥⴰⵕ ⵜⵉⴷⵙⵍⴰⵏⵉⵏ ⵙⵡⵓⵜⵜⴰⵏⵉⵏ ⵜⴰⵏⴽⵔⴰ ⵙ ⵡⴰⴷⴰⴼ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⵜⴰⵎⵣⵡⴰⵔⵓⵜ ⴳⵉⵙⵏⵜ ⵜⴰⴷⵔⵙⵉ ⵏ ⵓⵡⴰⴹ ⵖⵔ ⵓⵎⵍⴰⵏ, ⵉⵍⵉⵃ ⵏ ⵜⵙⵓⵖⵍⵜ ⵜⴰⴹⵕⵉⵚⵜ ⴳ ⵎⵏⵏⴰⵡ ⵏ ⵉⵖⴰⵡⴰⵙⵏ ⵉⴱⵕⵥⴰⵕⵏ, ⵜⴰⴷⵔⵙⵉ ⵏ ⵜⵙⵓⵖⵍⵜ ⵙ ⵜⵓⵜⵍⴰⵢⵜ ⵏ ⵓⵙⵉⵍⵍⴼ, ⵉⵍⵉⵃ ⵏ ⵓⵙⵏⵓⵎⵎⵍ ⴰⵎⵙⵍⵉ, ⴰⵍⵎⴰⴹ ⵏ ⵓⵙⵓⵖⵏ ⵙ ⵉⵏⴰⵡⴰⵢⵏ ⵏ ⵡⴰⴷⴰⴼ ⴰⵎⵓⵟⵟⵓⵏ, ⴷ ⵡⴰⵔ ⴰⵎⵙⴰⵙⴰ ⵏ ⴽⵔⴰ ⵏ ⵜⴷⴰⴱⵓⵜⵉⵏ ⵉⵎⵓⵟⵟⵓⵏⵏ ⴰⴽⴷ ⵉⵖⴰⵡⴰⵙⵏ ⵏ ⵜⵖⵓⵔⵉ ⵏ ⵓⴳⵯⴷⵉⵍ, ⵜⵍⴰⵖⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵅⴼ ⵓⵕⵥⵥⵓⵎ ⵏ ⵢⴰⵜ ⵜⵙⵏⵜⴰⵢⵜ ⵜⴰⵏⴰⵎⵓⵔⵜ ⵏ ⵜⵏⴰⵔⴰⵡⵜ ⴳ ⵢⵉⴳⵔ ⵏ ⵓⵎⵎⵓⵄⴹⵕ, ⵜⵡⴰⵜⵜⵙ, ⴳ ⵜⵙⵓⵜⵍⵜ ⵏⵏⵙ ⵜⴰⵎⵣⵡⴰⵔⵓⵜ, ⴰⴷ ⵜⵙⴷⵓⵙ ⵜⴰⴷⵔⴰⵡⵜ ⵏ ⵜⵏⵖⵎⴰⵙⵉⵏ/ⵉⵏⵖⵎⴰⵙⵏ ⴳ ⵜⵏⴽⵔⴰ ⵙ ⵉⵣⵔⴼⴰⵏ ⵏ ⵓⴳⴳⵉⴷⵏ ⴳ ⵓⵙⵓⵔⵙ ⵏ ⵓⵎⵎⵓⵄⴹⵕ, ⴷ ⵓⵙⵎⵖⵔ ⵏ ⵉⵎⵙⵏⵖⵎⴰⵙⵏ ⴷ ⵉⵏⵖⵎⴰⵙⵏ ⵏⵏⴰ ⵉⵜⵜⴰⵡⵉⵏ ⵜⵉⵎⵙⴰⵔⵉⵏ ⵏ ⵓⵎⵎⵓⵄⴹⵕ ⴷ ⵉⵎⵣⴰⵖⵏ ⵅⵉⴼⵙⵏⵜ ⵙ ⵉⵖⴰⵡⴰⵙⵏ ⵏⵏⵙⵏ ⴷ ⵉⵎⴳⵔⴰⴷⵏ ⵏⵏⵙⵏ.

ⵜⴰⵙⵏⵜⴰⵢⵜ ⵉⵡⴰⵜⵜⵙⵏ ⴰⴷ ⵜⴷⵔⵓ ⴳ ⵓⵙⵏⴼⵍ ⵏ ⵓⵙⵓⵔⵙ ⴷ ⵓⵙⴱⵓⵖⵍⵓ ⵏ ⵜⴷⵔⴰⵡⵜ ⵏ ⵡⵓⵟⵟⵓⵏⵏ ⵏ ⵓⵖⴰⵎⵓⵙ ⵏ ⵜⵏⵖⵎⴰⵙⵜ ⴷ ⵉⵎⴰⵙⵙⵏ ⵏ ⵓⵎⵢⴰⵡⴰⴹ ⵉ ⵜⵎⵙⴰⵔⵉⵏ ⵏ ⵓⵎⵎⵓⵄⴹⵕ.