ⴷⴷⵓⵃⴰ, 27 ⵎⴰⵢⵓ 2025 — ⵜⵙⵙⵖⴹⴼ ⵜⵏⵙⵙⵉⵅⴼⵜ ⵏ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵙⴳ ⵉⵎⵉⵣⵉⵜⵏ ⵏ ⵜⵉⴷⵜ ⵏⵏⴰ ⵉⵙⴷⵉⴷⴷⵉⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⵙ ⵜⵎⵏⵜⵉⵍⵜ ⵏ ⵓⵙⵎⵔⵙ ⵏ ⵜⵉⵜⵉⵇⵏⵉⵢⵉⵏ ⵏ ⵜⵖⵉⵙⵜ ⵜⵉⵎⵍⵥⵉⵜ ⴱⵍⴰ ⴰⵏⴱⴰⴹ ⴰⵎⵓⴼⴰⵢ ⴷ ⴱⵍⴰ ⴰⵙⵔⵓⵙ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵡⴰⵎⵎⴰⵙ ⵏ ⵉⵏⴰⴳⵔⴰⵡⵏ, ⴳ ⵓⵙⵖⵉⵡⵙ ⵏⵏⵙⵏ ⴷ ⴳ ⵓⵣⵎⵣ ⵏ ⵜⵙⵓⵜⵍⵜ ⵏ ⵜⵓⴷⵔⵜ ⵏⵏⵙⵏ ⵉⵙⵎⴷⵏ.

ⵉⴷⴷⴰ ⴷ ⵖⴰⵢⴰ ⴷ ⴳ ⵢⴰⵜ ⵜⴳⵓⵔⵉ ⵏ ⵓⵕⵥⵥⵓⵎ ⴳ ⵢⴰⵏ ⵓⴱⵔⴳⵔⴰⵡ ⴰⴳⵔⴰⵖⵍⴰⵏ ⵉⵜⵜⵓⵙⵏⵎⴰⵍⴰⵏ ⴰⵙⵙ ⴰ ⴳ ⴷⴷⵓⵃⴰ, ⵜⵙⵙⴼⴰⵡ ⴳⵉⵙ ⵎⴰⵙⵙⴰ ⴱⵓⵄⵢⵢⴰⵛ, ⵎⴰⵙ ⴽⵔⴰ ⵏ ⵉⵏⴰⴳⵔⴰⵡⵏ ⴰⴷ, ⵎⵇⵇⴰⵔ ⴷⴰⵔⵙⵏ ⵍⵍⴰⵏⵜ ⵜⵥⴹⴰⵕⵉⵏ ⵜⵉⵅⴰⵜⴰⵔⵉⵏ (ⵥⵕ ⴰⵎⴳⵔⴰⴷ 1/3), ⵣⵎⵔⵏ ⴰⴷ ⴰⵍⵙⵏ ⴰⴼⴰⵔⵙ ⵏ ⵉⵙⵏⵓⵃⵢⵓⵜⵏ ⴷ ⴰⴷ ⵙⴷⵓⵙⵏ ⵜⴰⵍⵖⵉⵡⵉⵏ ⵜⵉⵎⴰⵢⵏⵓⵜⵉⵏ ⵏ ⵓⵙⵏⵓⵃⵢⵓ, ⵙⵍⴰⵡⴰⵏ ⴰⴽⴽⵯ ⵎⴳⴰⵍ ⵜⵉⵡⵜⵎⵉⵏ ⴷ ⵉⵙⵎⵉⵍⵏ ⴽⵓⴽⴹⵏⵉⵏ.

ⵜⵙⵙⴽⵜⵉ ⵜⵎⵙⵜⴳⴳⴰⵔⵜ ⵜⴰⵣⵔⴼⴰⵏⵜ ⵙ ⵢⴰⵏ ⵓⵏⵇⵇⵉⵙ ⴰⵏⵎⵜⵜⴰⵏ ⴰⵎⴰⵢⵏⵓ ⵏⵏⴰ ⵉⵎⵎⴰⵍⵏ ⴳ ⵢⴰⵜ ⵙⴳ ⵜⵢⴰⴼⵓⵜⵉⵏ ⵏⵏⵙ ⵎⴰⵙ ⴱⴰⵀⵔⴰ ⵜⵜⵓⵙⴷⵉⴷⴷⵉⵢⵏⵜ ⵜⵡⵜⵎⵉⵏ ⵙ ⵓⴼⵓⵖ ⵙⴳ ⵜⵡⵓⵔⵉⵡⵉⵏ ⵏⵏⵙⵏⵜ ⵙ ⵜⵎⵏⵜⵉⵍⵜ ⵏ ⵓⵜⵓⵎⴰⵜⵉⴽ (ⵜⴰⵏⵡⵡⵔⵜ) ⴷ ⵜⵖⵉⵙⵜ ⵜⵉⵎⵍⵥⵉⵜ. ⵎⴽⴷⴰ ⵜⵏⵙⵙⵖⴹⴼ ⵎⴰⵙⵙⴰ ⴱⵓⵄⵢⵢⴰⵛ ⵙ ⵉⵎⵉⵣⵉⵜⵏ ⵏ ⵓⵙⵃⵍⵍⴻⵍ ⵉⵖⴱⴰⵏ (deepfakes) ⴷ ⵓⵙⵃⵍⵍⴻⵍ ⵉⵖⴱⴰⵏ ⴰⵡⵙⵢⴰⵏ ⵏⵏⴰ ⵉⵡⴰⵜⵜⵙⵏ ⵙ ⵓⵥⵍⴰⵢ ⵜⵉⵡⵜⵎⵉⵏ ⴷ ⵜⵔⴱⴰⵜⵉⵏ.

ⵓⵔ ⴱⴷⴷⵏ ⵉⵎⵉⵣⵉⵜⵏ ⴷⴰ, ⵜⵔⵏⴰ, ⵉⴷⴷⵖ ⵙⴽⵔⵏⵜ ⵜⴰⵍⴳⵓⵔⵉⵜⵎⵉⵏ ⴷ ⵉⵏⴰⴳⵔⴰⵡⵏ ⵏ ⵜⵖⵉⵙⵜ ⵜⵉⵎⵍⵥⵉⵜ ⴰⵙⵙ ⴰ ⵜⴰⴽⵏⴷⴰⵡⵜ ⵉⵕⵡⴰⵏ ⴷ ⵉⵡⵀⵏⵏ ⴷ ⵉⴼⵙⵙⵓⵙⵏ, ⵙ ⵜⵡⵉⵍⴰ ⵉⵙⴷⵉⴷⴷⵉⵏ ⴰⵣⵔⴼ ⴳ ⵡⴰⴷⴰⴼ ⵖⵔ ⵓⵎⵍⴰⵏ ⴷ ⵓⵣⵔⴼ ⴰⵎⴰⴳⴷⴰⵣ ⴳ ⵓⵎⵏⴰⴷ ⴷ ⵜⴷⵔⴼⵉ ⵏ ⵓⵡⵏⵏⵉ, ⴷ ⵓⵍⴰ ⵜⴰⵣⴷⴳⵉ ⵏ ⵜⵎⵀⵍⵉⵡⵉⵏ ⵜⵉⵏⵙⵜⴰⵢⵉⵏ ⴷ ⵉⵙⴰⴽⴰⵜⵏ ⵉⴷⵉⵎⵓⵇⵕⴰⵟⵉⵢⵏ.

ⵉⵙⴷⵉⴷⴷⵉⵢⵏ ⴰⴷ, ⵜⵏⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵜⴰⴹⴰ ⵜⴰⵎⴰⴹⵍⴰⵏⵜ ⵏ ⵜⵎⵔⵙⴰⵍ ⵜⵉⵏⴰⵎⵓⵔⵉⵏ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵔ ⴳⵉⵏ ⵉⵎⵉⵥⵉⵕⵏ ⵏⵖ ⵉⵎⴰⵍⴰⵡⵉⵏ, ⵎⴰⵛⴰ ⴳⴰⵏ ⵉⵏⴰⵍⴰⵡⵏ ⴷ ⵉⵜⵜⵡⴰⴷⴷⵔⵏ ⴳ ⵎⵏⵏⴰⵡ ⵏ ⵉⵎⵏⴰⴹⵏ… ⵍⴰ ⵜⵜⴹⵉⵚⵏ ⵙ ⵜⵖⴱⵉ ⴳ ⵉⵙⵎⵉⵍⵏ ⴷ ⵡⴰⵎⵓⵏⵏ ⴱⴰⵀⵔⴰ ⴽⵓⴽⴹⵏⵉⵏ.

ⴳ ⵉⴳⴳⵉ ⵏ ⵓⵙⵔⵙ ⵏ ⵉⵣⵔⴼⴰⵏ ⴷ ⵜⴷⵔⴼⵉⵏ ⴳ ⵡⴰⵎⵎⴰⵙ ⵏ ⵓⵙⵖⵉⵡⵙ ⴷ ⵜⵙⵓⵜⵍⵜ ⵏ ⵜⵓⴷⵔⵜ ⵏ ⵉⵏⴰⴳⵔⴰⵡⵏ… ⵜⵙⴷⴷⵉⴷ, ⵏⵙⵖⴰⵡⵙⴰ ⴰⴷ ⵏⵙⴷⵓⵙ ⴰⵏⵄⴰⵕ ⵏⵏⵖ ⴰⴳⵔⴰⵖⵍⴰⵏ.