ⴳ ⵓⴳⵎⵎⴰⴹ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⴳ ⵜⵙⵓⵜⵍⵜ ⵜⵉⵙ 30 ⵏ ⵓⵙⴼⵙⵔ ⴰⴳⵔⴰⵖⵍⴰⵏ ⵏ ⵜⵥⵕⵉⴳⵜ ⴷ ⵓⴷⵍⵉⵙ, ⵔⴰⴷ ⵎⵓⵏⵏ ⵉⵎⵓⵣⴰⵢⵏ ⴷ ⵉⵣⵔⴼⴰⵏⵏ ⴷ ⵉⵎⵔⵙⴰⵍⵏ ⴷ ⵉⴽⴰⴷⵉⵎⵉⵢⵏ ⴷ ⵓⵖⵔⵉⵎⵏ ⴷ ⵡⴰⵣⵣⴰⵏⵏ ⴰⴷ ⵙⴰⵡⵍⵏ ⵙ ⵢⵉⵍⵙ ⵏ ⵜⴷⵍⵙⴰ ⴷ ⵉⵡⵏⵏⵉⵜⵏ ⵉⴷⵍⵙⴰⵏⵏ, ⴳ ⵓⵣⵎⵣ ⵏ ⵎⵔⴰⵡ ⵏ ⵡⵓⵙⵙⴰⵏ ⵏ ⵓⵎⴹⴰⴽⴰⵕ ⴷ ⵓⵎⵢⴰⵖ ⴷ ⵓⵡⵏⵏⵉ.

205 ⵏ ⵜⴰⵣⵣⴰⵏⵜ ⴷ ⵡⴰⵣⵣⴰⵏ ⵢⵓⵙⵉⵏ ⴰⵡⵏⵏⵉ ⴰⴷⵍⵙⴰⵏ ⵙⴳ ⵜⵎⵏⴰⴹⵉⵏ ⵙ 12

100 ⵏ ⵓⵎⵙⴽⵍⴰⵏ ⴷ ⵓⵎⵙⴽⴰⵔ ⴷ ⵓⵏⵎⵣⴰⵖ ⵅⴼ ⵉⵣⵔⴼⴰⵏ ⵏ ⵓⴼⴳⴰⵏ (ⵙⴳ ⵍⵎⵖⵔⵉⴱ ⴷ ⴱⵕⵕⴰ ⵏⵏⵙ)

70 ⵏ ⵓⵎⵓⵙⵙⵓ (ⵜⵉⵍⴰⵍⵜ) ⴷ ⵜⵙⴰⵡⵔⵜ ⴷ ⵜⵉⵏⴰⵡⵜ

ⵙⵎⵎⵓⵙ ⵏ ⵉⵙⴰⵢⵔⴰⵔⵏ

ⵔⴰⴷ ⵜⵏⵜ ⵉⵙⴷⵍ ⵓⴳⵎⵎⴰⴹ ⴰⵎⵙⵙⵉⴷⴼ ⴳ ⵍⵍⴰⵏ ⵉⵙⴰⴷⴰⴼⵏ ⴳ ⵎⴰⵕⵕⴰ ⵓⵙⵙⴰⵏ ⵏ ⵓⵙⴼⵙⵔ.

ⴰⵔ ⵏⵙⴼⵓⴳⵍⵓ ⴳ ⵉⵎⵔⴰⵡ ⵏ ⵡⵓⵙⵙⴰⵏ ⴰⴷ, ⵜⵏⵏⴰ ⵎⴰⵙⵙⴰ ⴰⵎⵉⵏⴰ ⴱⵓⵄⵢⵢⴰⵛ, ⵙ ⵜⴷⵍⵙⴰ ⵏⵏⵖ ⵜⴰⵎⵖⵔⵉⴱⵉⵜ ⵜⴰⵏⴱⵖⵓⵔⵜ ⵙ ⵉⵡⵏⵏⵉⵜⵏ ⵏⵏⵙ ⵉⵎⵢⴰⵏⴰⵡⵏ ⴷ ⵓⵣⴷⴰⵢ ⵏⵏⵙⵏ ⵙ ⵜⵎⵢⴰⴳⴰⵏⵜ ⵏ ⵉⵣⵔⴼⴰⵏ ⴷ ⵜⴳⵎⵉ.

ⵜⴰⴷⵍⵙⴰ, ⵜⵔⵏⴰ ⵜⵏⵙⵙⵉⵅⴼⵜ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ, ⵓⵔ ⵜⴳⵉ ⴰⵟⵕⵕⵃ ⵓⴼⵔⵉⵏ, ⵓⵍⴰ ⵜⴳⴰ ⵖⴰⵙ ⴰⵢⴷⴰ ⵉⵜⵜⵓⵃⵟⵟⵓⵏ ⴳ ⵉⵙⴰⵍⴰⵢⵏ ⵖⴰⵙ. "ⵎⴰⵛⴰ ⵜⴳⴰ ⵜⵉⵎⴽⵜⵉⵜ ⵜⴰⴳⵔⴰⵡⴰⵏⵜ ⴷ ⵓⵎⵙⴰⵡⴰⵍ ⴰⵎⵉⴷⵔ ⴷ ⵓⵙⵓⵍⴰⵏ, ⵏⴳⵔ ⵉⵣⵔⵉ ⴷ ⵜⵉⵍⴰⵡⵜ ⴷ ⵢⵉⵎⴰⵍ…". ⴳ ⵉⴳⴳⵉ ⵏ ⵉⵣⵔⴼⴰⵏ ⵉⴷⵍⵙⴰⵏⵏ, ⵏⵏⴰ ⵉⵅⵚⵚⴰⵏ ⴰⴷ ⵜⵜⵓⴼⵔⴳⵏ ⴷ ⵓⵙⴷⵓⵙ ⵏ ⵜⵏⴽⵔⴰ ⵙⵉⵙⵏ, ⵜⵣⵎⵔ ⵜⴷⵍⵙⴰ ⴷ ⵉⵡⵏⵏⵉⵜⵏ ⵉⴷⵍⵙⴰⵏⵏ, ⵉⵄⵕⴰⴱⵏ-ⵉⵎⵓⵙⵍⵎⵏ ⴷ ⵉⵎⴰⵣⵉⵖⵏ ⴷ ⵉⵚⵃⵕⴰⵡⵉⵢⵏ ⵉⵃⵙⵙⴰⵏⵉⵢⵏ ⴷ ⵉⵄⵉⴱⵔⵉⵢⵏ ⴷ ⵉⴳⵔⴰⴽⴰⵍⵏ ⴷ ⵉⴼⵔⵉⵇⵉⵢⵏ / ⵉⵎⵖⵔⵉⴱⵉⵢⵏ ⴰⴷ ⵜⵙⴷⵓⵙ ⴰⵎⵢⴰⵎⴰⵥ ⴰⵏⴰⵎⵓⵏ ⴷ ⵓⵏⵏⵓⵕⵥⵎ ⴷ ⵓⵡⵇⵇⵔ ⵏ ⵜⵏⵎⴰⴳⵓⵜ ⴷ ⵓⵎⵢⴰⵏⴰⵡ… ⵎⴰⵢⴰ ⵍⴰ ⵉⵜⵜⴹⵉⵚ ⴱⵍⴰ ⵜⵓⵔⴷⴰ ⵅⴼ ⵓⵙⴷⵓⵙ ⵏ ⵓⵡⵇⵇⵔ ⵏ ⵉⵣⵔⴼⴰⵏ ⵏ ⴰⴽⴽⵯ ⴷ ⵜⵏⴽⵔⴰ ⵙ ⵜⵎⴽⵜⵉⵜ ⴷ ⵓⵣⵔⴼ ⴳ ⵜⵎⴰⴳⵉⵜ ⴷ ⵡⴰⴷⴷⵓⵔ, ⴰⴷ ⵜⵙⴷⴷⵉⴷ ⵎⴰⵙⵙⴰ ⴱⵓⵄⵢⵢⴰⵛ.

ⵜⵜⵡⴰⴱⴹⴰⵏⵜ ⵜⴳⵟⵟⵓⵎⵉⵏ ⵏ ⵓⵖⴰⵡⴰⵙ ⵏ ⵓⵙⵇⵇⵉⵎ ⴰⵏⴰⵎⵓⵔ ⵏ ⵉⵣⵔⴼⴰⵏ ⵏ ⵓⴼⴳⴰⵏ ⵅⴼ ⵙⵎⵎⵓⵙ ⵏ ⵉⵙⴰⵢⵔⴰⵔⵏ ⵉⴽⵓⵢⴰⵙⵙⴰⵏⵏ ⵉⵕⵚⴰⵏ, ⵙⴳ ⵜⵙⵔⴰⴳⵜ ⵜⵉⵙⵙ ⵎⵔⴰⵡⵜ ⴷ ⵓⵣⴳⵏ ⵏ ⵜⵉⴼⴰⵡⵜ, ⵙⴳ ⵡⴰⵙⵙ ⵏ ⵓⵙⵉⵎⵡⴰⵙ 18 ⵉⴱⵔⵉⵔ ⴷ ⵉⴷⴷⴰⵏ : ⴰⵙⴰⵢⵔⴰⵔ ⵉⵥⵍⵉⵏ ⵙ ⵡⴰⵣⵣⴰⵏⵏ ⵏ ⵜⵎⵏⴰⴹⵉⵏ ⴷ ⵉⵡⵏⵏⵉⵜⵏ ⵏⵏⵙⵏ ⴷ ⵓⵙⴰⵢⵔⴰⵔ ⵉⵥⵍⵉⵏ ⵙ ⵜⵉⵔⵔⴰ ⴷ ⵉⵣⵔⴼⴰⵏ ⵏ ⵓⴼⴳⴰⵏ ⴷ ⵓⵙⴰⵢⵔⴰⵔ ⵉⵥⵍⵉⵏ ⵙ ⵉⵡⵏⵏⵉⵜⵏ ⵉⵏⴰⵥⵓⵕⵏ ⴷ ⵉⵎⵙⵏⴼⵍⵓⵍⵏ ⴷ ⵢⴰⵏ ⵢⴰⴹⵏⵉⵏ ⵉⵥⵍⵉⵏ ⵙ ⵜⵉⵏⴰⵡⵉⵏ ⴷ ⵢⴰⵏ ⵓⵙⴰⵢⵔⴰⵔ ⴰⵎⴳⴳⴰⵔⵓ ⵉⵥⵍⵉⵏ ⵙ ⵜⵉⵥⵕⵉⴳⵉⵏ… ⵉⵙⴷⵍ ⵜⵏ ⴰⴽⴽⵯ ⵢⴰⵏ ⵓⴳⵎⵎⴰⴹ ⵉⵕⵥⵎ ⴷ ⵉⴼⵙⵙⵓⵙⵏ.

ⴰⵏⵙⵓⴼ ⵙⵉⵜⵓⵏⵜ/ⵙⵉⵜⵓⵏ ⴰⴽⴽⵯ ⴳ ⵓⴳⵎⵎⴰⴹ ⵏ ⵉⵣⵔⴼⴰⵏ A24.

ⴰⴳⴰⵎ ⵏ ⵓⵖⴰⵡⴰⵙ